14–18 лiпеня 2008 г. у Івянцы ў касцёле св. Мiхала Арханёла будзе адбывацца «Музычная майстэрня» для хораў, кантараў i моладзi, зацiкаўленай касцёльнай музыкай. Мэта гэтай майстэрнi — не толькi навучыць спеву, але таксама здабыць вопыт супольнага спеву i творчасці для хвалы Божай, каб такiм чынам узбагачаць жыццё парафii.

Прапанаваныя арганізатарамі майстэрні спевы — гэта традыцыйныя спевы Касцёла, звычайныя элементы харала, чатырохгалосная апрацоўка псальмаў, адноўленыя даўнія песнi, а таксама цалкам новыя кампазiцыi маладых творцаў, спевы i каноны ў духу «Тэзэ» і новыя творы ў афармленні ўдзельнікаў. Песнi выконваюцца па-беларуску. Сустрэча адначасова мае характар рэкалекцый. Майстэрню будзе праводзiць Ян Паспяшальскi разам з iншымi рэлiгiйнымi музыкантамi з Польшчы.

У гэтым годзе майстэрня будзе непасрэдна звязана з падрыхтоўкай да сустрэчы беларускай моладзi, якая адбудзецца ў Iвянцы 18–20 лiпеня. Запрашаем прыняць удзел тых, хто можа быць дапамогай ва ўзбагачэнні парафіі спевам, а асабліва моладзь, якая ўдзельнiчала ў майстэрнi мінулых гадоў.
 
Удзельнікам неабходна ўзяць з сабою матрац і спальны мяшок. Можна ўзяць таксама палаткі. Будзе забяспечана трохразовае харчаванне. Просiм узяць з сабою спеўнiкi i музычныя iнструменты. Пачатак майстэрнi ў панядзелак 14 лiпеня ў 15.00.

Увага! Майстэрня звязана з iнтэнсiўнай працай i навучаннем, таму запрашаем прыняць удзел толькi сапраўды зацiкаўленых касцёльным спевам асобаў, ва ўзросце ад 15 год — найлепш тых, хто ўжо мае які-небудзь вопыт спеву ў хоры цi iншых групах (у мiнулых гадах не хапала мужчынскiх галасоў).

Просiм як мага хутчэй паведамiць аб сваім удзеле.
«Музычная майстэрня»
вул. Пушкiна, 1
222370 Iвянец
Мiнская вобл., Валожынскi р-н
 
тэл.:  8 017 72 53 170
факс: 8 017 72 51 991
e-mail: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript