У Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску 28-29 сакавіка адбылася фармацыйная сустрэча міністрантаў Пінскай дыяцэзіі. У сустрэчы прынялі ўдзел 33 міністранты з розных парафій усёй дыяцэзіі.

Падчас сустрэчы міністранты мелі магчымасць пазнаёміцца з асаблівасцямі літургіі Вялікага посту і Святога Пасхальнага Трыдууму на канферэнцыях, якія праводзіліся святарамі і семінарыстамі. Юнакі ўдзельнічалі ў экскурсіі, падчас якой бліжэй пазнаёміліся з пінскім катэдральным касцёлам і музеем Слугі Божага Біскупа Зыгмунта Лазінскага.  

Акрамя напружанай працы, звязанай з паглыбленнем ведаў у літургіі, міністранты мелі магчымасць добра адпачыць. Гэтаму паспрыяла спаборніцтва па футболе, якое адбылося ў футбольным манежы. Таксама кожны жадаючы мог сустрэцца са святаром на прыватнай размове.

(AG)