19 кастрычніка адбылася пілігрымка навучэнцаў Міждыяцэзіяльнай вышэйшай духоўнай семінарыі імя св. Тамаша Аквінскага ў санктуарый Маці Божай Каралевы Палесся ў Лагішыне.

Мэтай гэтага пілігрымавання на пачатку навучальнага года было прысвячэнне і адданне сябе пад апеку Найсвяцейшай Маці, а таксама аднаўленне абяцання быць верным свайму пакліканню.

Падчас святой Імшы семінарысты ўрачыста прысвяцілі сябе апецы Маці Божай, а таксама прасілі аб святле Духа Святога і напаўненні Божай ласкай, якімі змаглі б дзяліцца з іншымі.

Пасля Імшы семінарысты наведалі лагішынскі Дом міласэрнасці.

Паводле seminaryja.by

(AG)