На плошчы Леніна ў Гомелі ўжо прыступілі да ўстаноўкі галоўнай ёлкі горада — 30-метровага металічнага каркаса, які складаецца з дзвюх тысяч (!) штучных галін. Да 25 снежня, калі Божае Нараджэнне будуць адзначаць католікі і пратэстанты, ёлка засвеціцца ва ўсёй красе. Упершыню ў сваёй гісторыі яе ўпрыгожаць не савецкай чырвонай пяціканцовай зоркай, а сапраўднай каляднай — Бэтлеемскай зоркай.
Пра гэта паведамляе сайт гомельскай парафіі.
Як распавялі ў Гомельскай гарадской жыллёва-камунальнай гаспадарцы, Гомель заменіць савецкую зорку на хрысціянскі сімвал следам за сталіцай і іншымі гарадамі Беларусі.
(JLS)