25 лютага Святы Айцец Бэнэдыкт XVI прызначыў кс. прэлата Францішка Кісяля на пасаду Апостальскага адміністратара sede vacante et ad nutum Sanctae Sedis Віцебскай дыяцэзіі. Прызначэнне адбылося ў сувязі з просьбай біскупа Віцебскай дыяцэзіі Уладзіслава Бліна аб адстаўцы.
Ксёндз Францішак Кісель нарадзіўся 1 красавіка 1959. Скончыў Віцебскі тэхнікум сувязі. Служыў у войску. У 1982-1987 гг. вучыўся ў Вышэйшай духоўнай семінарыі ў Рызе, дзе ў 1987 годзе атрымаў прэзбітарскае пасвячэнне. Працаваў вікарыем у марыйным санктуарыі ў Аглоне (Латвія).
Затым працаваў пробашчам у парафіі Нараджэння Найсвяцейшай Панны Марыі ў Браславе. З 1992 года — пробашч парафіі св. Андрэя Баболі ў Полацку. З 1999 года — Генеральны вікарый Віцебскай дыяцэзіі.
(JLS)