Больш за 53 тысячы міністрантаў з 17 краін Еўропы сустрэліся вечарам 3 жніўня 2010 г. перад базылікай св. Пятра ў Апостальскай Сталіцы, каб удзельнічаць у малітоўным чуванні. Варта адзначыць, што ў гэтым годзе адзначаецца 50-годдзе заснавання Міжнароднага таварыства міністрантаў (СІМ).

Рэлігійнай праграме для маладых пілігрымаў папярэднічалі выступленні артыстаў і музыкантаў. У цэнтры сустрэчы знаходзілася постаць св. Тарцызія — мучаніка і апекуна міністрантаў. Фігура святога з панядзелка знаходзілася перад ватыканскай базылікай, а падчас сённяшняй агульнай аўдыенцыі была асвечана папам Бэнэдыктам XVI.

Падчас сустрэчы звярнулі на сябе ўвагу міністранты з Германіі, якія выпусцілі ў неба вялікую колькасць мыльных бурбалак на плошчы Навона.