Група ватыканскіх вучоных правяла даследаванне купала базылікі св. Пятра. Як паведамляе vatican.by, навукоўцы прыйшлі да высновы, што купал, да праекта якога прыклаў руку сам Мікеланджэла, нашмат больш трывалы, чым думалі раней.

Дзякуючы даследаванню, высветлілася, што будаўнікі XVI ст. выкарыстоўвалі тагачасны аналаг армаванага бетону. Унутры купала знаходзяцца сем жалезных кольцаў, якія трымаюць складаючыя канструкцыю камяні. Раней лічылася, што такіх кольцаў толькі два.