Сёлета традыцыйная калядная ёлка для Пантыфіка будзе прывезена з Украіны. Аб гэтым паінфармавала пасольства Украіны пры Ватыкане.

На гэту тэму ў апошнія дні размаўляў глава грэка-католікаў Украіны арцыбіскуп Святаслаў Шаўчук з паслом гэтай дзяржавы пры Ватыкане спадарыняй Таццянай Іжэўскай.

Штогод якая-небудзь краіна ахвяруе каляднае дрэўца, якое ўстанаўліваецца побач са святочнымі яслямі на плошчы Святога Пятра.