Упершыню ў гісторыі ў Музеях Ватыкана праходзіць выстаўка твораў Рэмбрандта, знакамітага галандскага мастака XVII ст.
Экспазіцыю ўпрыгожаць гравюры і палотны са шведскага Музея Андэрса Цорна і амстэрдамскай калекцыі Крэмера.
Выстаўка праходзіць пасля экуменічнага візіту Папы Францішка ў Лунд і накіравана на ўмацаванне дыялогу паміж католікамі і пратэстантамі.
Урачыстае адкрыццё экспазіцыі прац галандскага майстра адбылося 23 лістапада; наведвальнікі змогуць пабачыць шэдэўры мастацтва да 26 лютага.
Выстаўка ў Музеях Ватыкана была арганізавана пры садзейнічанні пасольстваў Швецыі і Нідэрландаў пры Святым Пасадзе, у супрацоўніцтве з Папскай радай спрыяння хрысціянскаму адзінству.