Як паведамляе Прэс-служба Апостальскай Сталіцы, у ліпені 2010 г. Бэнэдыкт XVI наведае рэгіён Абруццо на беразе Адрыятычнага мора, які ў мінулым годзе пацярпеў ад землятрусу. У выніку стыхійнага бедства загінулі 300 чалавек і больш 65 тысяч італьянцаў засталіся без даху над галавой. Сёлета Пантыфік наведае горад Сулмона.
Год таму Святы Айцец пабываў у Аквіле і наведаў базыліку Санта Марыя ды Калемаджо, дзе маліўся пры шкляной труне з парэшткамі папы Цэлестына V. Тады ж Бэнэдыкт XVI абвясціў юбілейны год у гонар гэтага Папы — з 28 жніўня 2009 г. па 29 жніўня 2010 г. — у 800–ю гадавіну з дня яго нараджэння. На працягу гэтага перыяду парэшткі святога пілігрымавалі па ўсім рэгіёне Абруццо. Бэнэдыкт XVI ушануе іх падчас свайго сёлетнягя візіту.
2009 г., базыліка Санта Марыя ды Калемаджо