Святы Айцец Бэнэдыкт XVI 7 і 8 мая 2011 г. наведае італьянскія гарады Венецыю і Аквілею. Былы Пантыфік Ян Павел ІІ наведваў Венецыю ў 1984 г. Горад Аквілея, вядомы з часоў антычнасці, упершыню сустрэне Пантыфіка.У 1988 г. археалагічная зона Аквілеі з сярэднявечнай базылікай занесена ў спіс аб’ектаў Сусветнай спадчыны ЮНЕСКА. У старажытнасці гэты горад на працягу 1200 год з’яўляўся цэнтрам Аквілейскага Патрыярхату. Тут праходзілі некалькі Сабораў: у 381 г., 558 г., 698 і 1184 гг.