Як мінімум 10 тысяч выкладчыкаў і студэнтаў рымскіх універсітэтаў прымуць удзел у традыцыйнай перадкаляднай сустрэчы са Святым Айцом Бэнэдыктам XVI у базыліцы св. Пятра ў Ватыкане 16 снежня 2010 г. а 18-й гадзіне. Аб гэтым паінфармаваў вікарыят дыяцэзіі Рыма.

Ад імя прысутных да Папы звернуцца Рэнато Лаўро, рэктар рымскага ўніверсітэта Tor Vergata, і Паола Тома, студэнтка ўніверсітэта LUISS імя Гвідо Карлі. Падчас Нешпараў, якія ўзначаліць Пантыфік, будзе спяваць рымскі міждыяцэзіяльны хор, якому будзе акампанаваць аркестр кансерваторыі св. Цэцыліі.