28 лютага 2011 г. Святы Айцец Бэнэдыкт XVI здзейсніў шэраг прызначэнняў. Пантыфік прызначыў кансультарам Камісіі па справах Лацінскай Амерыкі, арцыбіскупа Нікола Этэравіча, тытулярнага арцыбіскупа Чыбаліі, Генеральнага сакратара Сіноду Біскупаў. Членам гэтай жа камісіі Святы Айцец прызначыў кардынала Хаймэ Лукаса Артэгу, арцыбіскупа Сан-Крыстабаль дэ ла Гавана (Куба).Як паведамляе беларуская рэдакцыя Ватыканскага радыё, дырэктарам Аддзела кіравання і кантролю ў Папскай камісіі па культурнай спадчыне Касцёла тэрмінам на пяць год Святы Айцец прызначыў доктара Стэфана Ларэці. Кіраўніком Звычайнай секцыі гэтай жа камісіі стаў Франчэска Анастазі, а кіраўнікамі Надзвычайнай секцыі былі прызначаны доктар Рабэрта Каруллі і доктар Стэфано Лоры.
Сёння Бэнэдыкт XVI прызначыў і новага дырэктара Пенсійнага фонду Апостальскай Сталіцы. Ім стаў Стэфано Дзі Пінта, афіцыял гэтага ўпраўлення.