У бліжэйшыя выхадныя, 7–8 мая 2011 г., Святы Айцец Бэнэдыкт XVI з душпастырскім візітам наведае Аквілею і Венецыю (Італія). Дэвізам пілігрымкі стануць словы «Умацоўвай нашу веру».

Падчас візіту Папа сустрэнецца з арганізатарамі Нацыянальнага Касцёльнага з’езду, які адбудзецца ў Аквілеі ў 2012 г. Затым Бэнэдыкт XVI  накіруецца ў Венецыю, дзе ў базыліцы св. Марка памоліцца пры рэліквіях святога. У нядзелю Пантыфік узначаліць літургію, якая пройдзе ў венецыянскім парку Св. Юліяна.