4 ліпеня 2011 г. Святы Айцец Бэнэдыкт XVI адкрыў мастацкую выставу «Светач праўды, прыгажосці і любові», прымеркаваную да 60-годдзя яго святарскага пасвячэння.

Выставу, якая ўключае ў сябе творы скульптараў, архітэктараў, фатографаў, пісьменнікаў, рэжысёраў, мастакоў і музыкантаў, арганізавала Папская рада па культуры.

У сваім выступленні на адкрыцці Папа звярнуў увагу на неабходнасць дыялога паміж Касцёлам і мастакамі. У той жа час Святы Айцец адзначыў, што прыгажосць ніколі не можа быць адарванай ад праўды і міласэрнасці. Жыццё, як адзначыў Бэнэдыкт XVI, можа быць творам мастацтва, а кожны з нас — выключным мастаком.

Мастацкая выстава працягнецца да 4 верасня. Уваход вольны.