Святы Айцец Бэнэдыкт XVI сустрэўся з італьянскімі касманаўтамі Міжнароднай касмічнай станцыі Рабэрто Вітторыем і Паоло Неспаліні. Сустрэча адбылася 19 верасня 2011 г. у папскай рэзідэнцыі ў Кастэль Гандольфа.

21 мая гг. Пантыфік выйшаў на сувязь з экіпажам касмічнай станцыі. На аўдыенцыі касманаўты перадалі Святому Айцу срэбраны медаль з копіяй фрэскі «Стварэнне», напісанай Мікельанджэла ў Сікстынскай капэле. Медаль спадарожнічаў астранаўтам падчас касмічнага палёту. Таксама падарылі Пантыфіку атлас сусвету і фотаздымак касмічнага карабля з выявай сцягоў Ватыкана і Амерыканскага касмічнага агенцтва.