Святы Айцец Бэнэдыкт XVI пашырыў паўнамоцтвы Трыбунала Рымскай Роты. З 1 кастрычніка 2011 г. У іх кампетэнцыю пяройдуць некаторыя пытанні, якімі да гэтага часу займалася Кангрэгацыя Божага Культу і Дысцыпліны Сакрамэнтаў.

Як адзначаецца ў Апостальскім лісце Бэнэдыкта XVI «Quaerit semper», апублікаваным на старонках газеты «L’Osservatore Romano», Кангрэгацыя будзе займацца выключна літургічнымі пытаннямі. Таму ў кампетэнцыю Трыбунала Рымскай Роты увойдуць пытанні па справах вызвалення ад абавязкаў, звязаных з прыняццем прэзбітэрскага ці дыяканскага пасвячэння і вызвалення ад сужэнскіх абавязкаў.

Гэтымі пытаннямі будзе займацца новая ўстанова, створаная пры Трыбунале Рымскай Роты. Узначальвае ведамства біскуп Антоні Станкевіч.