31 студзеня 2012 года Святы Айцец Бэнэдыкт XVI здзейсніў шэраг важных прызначэнняў. Патрыярхам Венецыі Яго Святасць прызначыў біскупа Франчэска Маралью, а віцэрэгентам Рымскай дыяцэзіі — біскупа Філіппо Іаноннэ.

Як паведамляе Ватыканскае радыё, Пантыфік прызначыў таксама двух дапаможных біскупаў Рымскай дыяцэзіі. Імі сталі кс. прэлат Матэо Марыя Цуппі і кс. прэлат Ларэнца Леуццы. Новым дапаможным біскупам Братыслаўскай архідыяцэзіі ў Славакіі стаў кс. прэлат Ёзаф Галко.

Пантыфік таксама прыняў адстаўку дапаможнага біскупа Катавіцкай дыяцэзіі (Польшча) Герарда Бернацкага.