У чацвер 15 сакавіка 2012 г. Святы Айцец Бэнэдыкт XVI сустрэўся з Грыгорыем ІІІ Лахамам, Патрыярхам Мелькіцкай Царквы (аб’ядноўвае грэка-католікаў на Бліжнім Усходзе).

Патрыярх наведаў Рым у межах сваёй працяглай паездкі па Еўрапейскім кантыненце, падчас якой сустракаецца з прадстаўнікамі епіскапатаў і свецкіх уладаў розных краін.

Акрамя Блізкага Усходу, мелькіцкія парафіі існуюць толькі ў Паўночнай і Паўднёвай Амерыцы і Аўстраліі. У Еўропе мелькіты звычайна падпарадкоўваюцца мясцовым біскупам, якія маюць статус ардынарыяў для католікаў усходніх абрадаў, якія не маюць на дадзенай тэрыторыі сваёй іерархіі.