28 мая Святы Айцец Бэнэдыкт XVI прыняў на аўдыенцыі Прэзідэнта Рэспублікі Коста-Рыка Лаўру Чынчылья. Затым Прэзідэнт гэтай цэнтральнаамерыканскай краіны сустрэлася з дзяржсакратаром кардыналам Тарчызіо Бэртонэ і сакратаром па адносінах з дзяржавамі Дзяржаўнага Сакратарыяту Апостальскай Сталіцы арцыбіскупам Дамінікам Мамбэрці.

Падчас сустрэчы Бэнэдыкт XVI  і Лаўра Чынчылья падкрэслілі добрыя адносіны, якія склаліся паміж Касцёлам і дзяржавай, і выказвалі надзею на далейшае ўмацаванне краіны праз супрацоўніцтва паміж свецкімі і касцёльнымі структурамі. Як паведамляе Ватыканскае радыё, Папа Рымскі і Прэзідэнт Коста-Рыкі ўзгадалі аб асаблівым укладзе, які быў здзейснены праз касцёльныя адукацыйныя, сацыяльныя і дабрачынныя ўстановы.