23 лютага Святы Айцец прыняў Прэзідэнта Італіі Джорджыо Напалітана разам з яго жонкай. Італьянскі лідар стаў апошнім палітыкам, з якім сустрэўся ў сваім Пантыфікаце Бэнэдыкт XVI.

Як інфармуе Прэс-служба Апостальскай Сталіцы, сустрэча была вельмі сардэчнай, чаму спрыяла вялікая ўзаемная павага і даўняе знаёмства суразмоўцаў.

Прэзідэнт Італіі перадаў Папу ўдзячнасць і любоў італьянскага народа за яго блізкасць у многія важныя хвіліны і за каштоўнае духоўнае і маральнае навучанне. Са свайго боку Святы Айцец выказаў удзячнасць Джорджыо Напалітана і яго жонцы і шчырыя пажаданні дзеля дабра Італіі.

(AG)