23 сакавіка папа Францішак прыбыў у Кастэль Гандольфа. Разам з Рымскім Пантыфікам на пенсіі Бэнэдыктам XVI, які прывітаў яго, Святы Айцец накіраваўся ў Апостальскі палац.

У Апостальскім палацы адбудзецца размова сённяшняга Папы з Пантыфікам на пенсіі. Пасля абеду папа Францішак вернецца ў Ватыкан.

Па выніках гэтага візіту Ватыканскае тэлебачанне створыць фільм. Пра сустрэчу распавядзе таксама кіраўнік Прэс-службы Апостальскай Сталіцы кс. Фэдэрыка Ламбардзі.

(AG)