Святы Айцец Францішак пакуль не мае намеру пераязджаць у Апостальскі палац. Аб гэтым паведаміў кіраўнік Прэс-службы Апостальскай Сталіцы кс. Фэдэрыка Ламбардзі.

Як адзначыў святар, Пантыфік сказаў аб гэтым на заканчэнне сённяшняй ранішняй Імшы ў капліцы Дома св. Марты, дзе зараз пражывае.

Ксёндз Ламбардзі паведаміў, што Папа пражывае ў Доме св. Марты ва ўжо больш прасторных пакоях, чым раней, дзе дзякуючы гэтаму можа прымаць гасцей. Для працы, сустрэч з групамі і аўдыенцый для важных асобаў Святы Айцец выкарыстоўвае памяшканні на другім паверсе Апостальскага палаца.

(AG)