Адкрыць сэрцы на Божае прабачэнне заахвоціў падчас ранішняй святой Імшы ў капліцы Дома святой Марты папа Францішак. Пантыфік кожны дзень цэлебруе там літургію і сёння звярнуў увагу на постаць Юды, які здрадзіў Хрысту.

Святы Айцец адзначыў, што гэтая здрада адбылася ноччу. Аднак, заўважыў Папа, гаворка ідзе пра штосьці глыбейшае — пра ноч сэрца, якое закрылася на Бога. У той жа час само называнне граху па імені адкрывае магчымасць прабачэння, што можа зведаць кожны чалавек.

«Цудоўна быць святымі, — дадаў Папа, словы якога прыводзіць польская рэдакцыя Ватыканскага радыё. — Але гэтак жа цудоўна зведаць прабачэнне, сустрэўшы Езуса».

(AG)