Пасля Імшы Вячэры Пана, якая прайшла ў Вялікі чацвер у рымскай калоніі для непаўналетніх «Casal del Marmo», папа Францішак сустрэўся з моладдзю і персаналам калоніі. Падзякаваўшы ўсім, Пантыфік адзначыў: «Я шчаслівы, што знаходжуся сярод вас».

«Не дазвольце пазбавіць сябе надзеі. Заўсёды ідзіце наперад, зразумела?» — звярнуўся да маладых зняволеных Папа. Затым кожны з прысутных прывітаўся са Святым Айцом.

Адказваючы на зварот аднаго са зняволеных калоніі, Пантыфік сказаў: «Вы будзеце для мяне вялікай дапамогай. Я прыбыў да вас, бо так мне казала сэрца, а справы сэрца немагчыма растлумачыць».

(AG)