У нядзелю 7 красавіка перад інгрэсам на рымcкую кафедру, што адбыўся ў базыліцы св. Яна на Латэране, папа Францішак адкрыў табліцу з новай назвай плошчы перад базылікай. З гэтага часу яна будзе насіць імя благаслаўлёнага Яна Паўла ІІ.

У цырымоніі прынялі ўдзел Папскі вікарый для Рымскай дыяцэзіі кардынал Агасціна Валіні і мэр Вечнага Горада Джані Алемана. Дагэтуль плошча мела назву Piazza San Giovanni in Laterano.

(AG)