5 ліпеня будзе абнародавана першая энцыкліка папы Францішка — «Lumen fidei». Святы Айцец стварыў яе ў супрацоўніцтве з Пантыфікам на пенсіі Бэнэдыктам XVI, які раней напрацаваў матэрыял на тэму веры.

Як паведамляе Ватыканскае радыё, у Прэс-службе Апостальскай Cталіцы пройдзе прэзентацыя энцыклікі, якую правядуць прэфект Кангрэгацыі па справах Біскупаў кардынал Марк Уэлле, прэфект Кангрэгацыі Веравучэння арцыбіскуп Герхард Мюлер і старшыня Папскай рады па новай евангелізацыі арцыбіскуп Рына Фізікела.

Папа Францішак падчас сустрэчы з удзельнікамі Звычайнай рады Генеральнага сакратарыяту Сіноду Біскупаў 13 чэрвеня сказаў, што атрымаў частку энцыклікі, якую паспеў зрабіць яго папярэднік, і назваў яе «моцным дакументам».

(AG)