19 ліпеня папа Францішак наведаў Бэнэдыкта XVI. Святы Айцец папрасіў Пантыфіка на пенсіі аб малітоўнай падтрымцы падчас свайго падарожжа ў Бразілію на Сусветны дзень моладзі.

Як інфармуе польская рэдакцыя Ватыканскага радыё, Бэнэдыкт XVI паабяцаў Папу малітву і падзяліўся з ім сваім досведам з папярэдніх Сусветных дзён моладзі, якія праходзілі ў Кёльне, Сіднэі і Мадрыдзе.

Сустрэча распачалася малітвай у капліцы рэзідэнцыі Пантыфіка на пенсіі.

(AG)