31 ліпеня Святы Айцец Францішак зноў звярнуўся да моладзі праз «Твітэр». «Дарагія юнакі і дзяўчаты, варта зрабіць стаўку на Хрыста і Яго Евангелле, рызыкнуць усім дзеля вялікіх ідэалаў!» — так гучыць запіс Папы.

У межах візіту ў Бразілію на Сусветны дзень моладзі падчас малітоўнага чування ў ноч з 27 на 28 ліпеня Патыфік заклікаў маладых людзей «граць у камандзе Хрыста», бо «Езус прапануе нешта большае за Кубак свету» — «дае магчымасць плённага і шчаслівага жыцця, дае бясконцую будучыню з Ім».

(AG)