Святам Перамянення Пана, якое 19 жніўня святкавалі паводле юліанскага календара, скончыліся грэка-каталіцкія ўрачыстасці ў Кіеве, звязаныя з 1025 гадавінай хрышчэння Русі.

Падчас галоўных урачыстасцяў быў асвечаны грэка-каталіцкі катэдральны сабор Змёртвыхпаўстання Пана. Спецыяльны пасланнік Папы кардынал Аўдрыс Бачкіс, віленскі арцыбіскуп на пенсіі, зачытаў пасланне Святога Айца, у якім Пантыфік, між іншым, заклікае да адновы экуменічнай дзейнасці.

На заканчэнне літургіі кіеўска-галіцыйскі арцыбіскуп Святаслаў ад імя украінскіх грэка-католікаў падзякаваў літоўскаму рыма-каталіцкаму Касцёлу, бо ў часы пераследу літоўскія католікі дапамагалі ўкраінскім братам усходняга абраду.

У новай грэка-каталіцкай катэдры адкрылі выставу, прысвечаную Яну Паўлу II, які быў вялікім сябрам грэка-каталіцкага Касцёла.