Святы Айцец Францішак стаў лаўрэатам прэміі «Простая камунікацыя». Прэмію прысудзіў Еўрапейскі інстытут Трэцяга тысячагоддзя, які займаецца кансалтынгам і навучаннем у сферы камунікацыі.

Прэмія «Простая камунікацыя» прысуджаецца за выдатную здольнасць спрашчаць складаныя паняцці, каб лепш данесці іх да іншых.

«Калі чалавек шчыры з самім сабой і з іншымі, мы маем справу з паслядоўнай камунікацыяй. Ніхто не можа паставіць пад сумненне сказанае табой, калі ты глыбока перакананы», — адзначыў дырэктар Еўрапейскага інстытута Андрэа Піццыкаролі, які і вылучыў кандыдатуру Папы Францішка.

Паводле рускай рэдакцыі Ватыканскага радыё

(AG)