25 лістапада адбылася сустрэча Папы Францішка з Прэзідэнтам Расіі. Уладзімір Пуцін прыбыў у Ватыкан разам з 11 міністрамі.Падчас сустрэчы расійскі лідар прывітаў Святога Айца і перадаў яму ікону Маці Божай Уладзімірскай а потым сустрэўся з Дзяржаўным сакратаром Апостальскай Сталіцы П’етро Паралінам.
У ходзе размовы з Папам Францішкам, як паведамляе Прэс-служба Апостальскай Сталіцы, было выказана задавальненне ад добрага стану двухбаковых адносінаў. У гэтым кантэксце ўзгадвалася роля каталіцкай супольнасці ў Расіі, адзначаўся яе важны ўклад у развіццё грамадства.
У цэнтры размовы была сітуацыя хрысціян на Блізкім Усходзе, асабліва ў Сірыі. У сувязі з гэтым Уладзімір Пуцін выказаў падзяку за ліст, які Святы Айцец накіраваў яму з нагоды саміта G-20, што праводзіўся ў Санкт-Пецярбургу. Падкрэслівалася настойлівая неабходнасць, каб спыніць насілле і аказаць неабходную гуманітарную дапамогу жыхарам, а таксама садзейнічаць канкрэтным ініцыятывам па мірнаму ўрэгуляванню канфліктаў.
Паводле wiara.pl.
(AYU)