“Да Божага Нараджэння разам са св. Францішкам Асізскім” – тэма медытацый, якія прапаведнік Папскага Дома а. Раньера Канталамеса прапануе Папу Францішку і яго супрацоўнікам у кожную з пятніц Адвэнту. Першая прагучыць у Апостальскім палацы 6 снежня.

Па словах прапаведніка, да абрання тэмы яго натхніла нядаўняе падарожжа Пантыфіка ў Асізі і абраная ім тэма наступнага Сусветнага дня міру: “Братэрства – падмурак і шлях да міру”. Айцец Канталамеса прапануе паглядзець на постаць Бедняка з Асізі праз яго пакору, беднасць і імкненне рэфармаваць Касцёл.

На адвэнтавыя медытацыі запрошаны кардыналы, арцыбіскупы і біскупы, сакратары ватыканскіх ведамстваў, прэлаты Рымскай Курыі і вікарыяту Рыма, генеральныя настаяцелі манаскіх кангрэгацый.

Паводле беларускай рэдакцыі Ватыканскага радыё

(AG)