Пантыфік пашырыў на ўвесь Касцёл культ бл. П'ера Фаўра, французскага езуіта, які жыў у XVI ст. Ён будзе далучаны да каталогу святых Паўсюднага Касцёла. Таксама Папа выказаў згоду на абвяшчэнне Кангрэгацыяй па справах Кананізацыі дэкрэту аб прызнанні цуду праз заступніцтва Слугі Божай Марыі Тэрэзы Дзям’яновіч з ЗША, якая належала да Кангрэгацыі Сясцёр Міласэрнасці св. Альжбеты, і дэкрэту аб гераічнасці цнотаў Слугі Божага кс. Эмануэля Эстаблеса з Іспаніі, заснавальніка Кангрэгацыі Сясцёр Нявольніц Маці Божай Балеснай.

Пантыфік прызнаў таксама гераічнасць цнотаў Слугі Божага Ежы Цясельскага, сябра бл. Яна Паўла II. Свецкі католік, інжынер-будаўнік, прафесар Кракаўскага палітэхнічнага ўніверсітэта загінуў разам з двума сваімі дзецьмі у 1970 г. падчас крушэння судна на Ніле ў Судане. Ежы Цясельскі прымаў актыўны ўдзел у студэнцкім душпастырстве ў Кракаве, дзе і пасябраваў з кс. Каралем Вайтылам. Яго беатыфікацыйны працэс трывае з 1985 г.

Паводле беларускай рэдакцыі Ватыканскага радыё

(AG)