Святы Айцец Францішак будзе маліцца за ахвяр італьянскай мафіі. 21 сакавіка ў Рыме Папа прыме ўдзел у малітоўным чуванні з роднымі і блізкімі загінуўшых.

700 чалавек, якія збяруцца на набажэнстве, будуць прадстаўляць 15 тысяч, якія страцілі сваіх родных. Пантыфік правядзе на малітве ў касцёле св. Грыгорыя VII недалёка ад Ватыкана паўтары гадзіны.

Старшыня асацыяцыі, у якую ўваходзяць родныя людзей, што загінулі ад рук мафіі, кс. Луіджы Ч’ёці, назваў удзел Папы ў малітоўным чуванні вялікім падарункам і сігналам з боку Святога Айца супраць насілля і карупцыі мафіі. За гэтым стаіць павага да жыцця і чалавечай годнасці. Святар падкрэсліў, што многія людзі сталі ахвярамі злачынных структур толькі таму, што жадалі дапамагчы іншым.

Паводле беларускай рэдакцыі Ватыканскага радыё

(AG)