Тысячы Евангелляў будуць раздадзены вернікам у бліжэйшую нядзелю, 6 красавіка, на плошчы св. Пятра ў Ватыкане. Гэта дар Папы Францішка, які неаднаразова заахвочваў пастаянна насіць з сабой невялікае Евангелле, каб на працягу дня прачытаць фрагмент Божага слова.

Ініцыятыву рэалізуе Апостальская Элемазінарыя, якая запрасіла для дапамогі 150 валанцёраў, навучэнцаў рымскай семінарыі і сясцёр Маці Тэрэзы.

Кішэнная кніга надрукавана ў Ватыканскай тыпаграфіі і змяшчае чатыры Евангеллі і Дзеі Апосталаў.

Паводле беларускай рэдакцыі Ватыканскага радыё

(AG)