Папа Францішак здзейcніць прыватны візіт у Казерту недалёка ад Неапаля. Ён запланаваны на 26 ліпеня 2014 г., праінфармаваў 10 ліпеня кіраўнік Прэс-службы Апостальскай Сталіцы а. Фэдэрыко Ламбардзі. Падставай да падарожжа стала сустрэча Святога Айца з пратэстанцкімі пастарамі, якая адбылася ў мінулым месяцы ў Рыме.

Кіраўнік Прэс-службы паведаміў, што Пантыфік у Казерце наведае аднаго са святароў, які ўваходзіў у тую групу і якога Папа добра ведае яшчэ з часоў свайго служэння ў Буэнас-Айрэсе.

Візіт будзе цалкам прыватным, «простым і кароткім». Дакладная праграма пакуль распрацоўваецца, але ўжо вядома, што Папа наведае пратэстанцкі храм у Казерце. Вядома таксама, што ў пратэстанцкай царкве ў гэтай мясцовасці служыць пастар Джавані Траэціна, які даўно займаецца экуменічным дыялогам і які 19 чэрвеня 2014 г. сустракаўся ў Рыме са Святым Айцом.

Паводле Беларускай рэдакцыі Ватыканскага радыё

(AYU)