Сталі вядомыя даты візіту Папы Францішка на афрыканскі кантынент. 27-29 лістапада 2015 г. Святы Айцец наведае Уганду і Цэнтральнаафрыканскую Рэспубліку.

Інфармацыю распаўсюдзіла Прэфектура папскага дому на сваёй інтэрнэт-старонцы.

Пантыфік асабіста “анансаваў” сваю афрыканскую пілігрымку 12 чэрвеня падчас сустрэчы з удзельнікамі ІІІ Сусветных рэкалекцый для святароў, якія праходзілі ў Рыме. Падчас жывога дыялогу святар з Бурундзі спытаў Папу аб магчымасці яго візіту ў Афрыку, на што Святы Айцец даў сцвярджальны адказ і назваў у якасці сваёй мэты Уганду і Цэнтральнаафрыканскую Рэспубліку. Таксама Пантыфік прызнаўся, што разглядаецца магчымасць яго падарожжа ў Кенію.

Паводле беларускай рэдакцыі Ватыканскага радыё

(AG)