Каля 800 000 подпісаў былі сабраны ў рамках «Сыноўняга прашэння да Францішка адносна будучыні сям’і», якое 29 верасня 2015 г. было ўручана Святому Айцу. Подпісы былі сабраны ў 178 краінах. Зварот падпісалі, у прыватнасці, 202 кардыналы, арцыбіскупы і біскупы.
У прашэнні гучыць заклік да Папы, каб ён «узяў слова і развеяў непаразуменні», якія выклікалі замяшанне сярод многіх католікаў адносна магчымасці допуску да прыняцця святой Камуніі разведзеных, якія жывуць у новых саюзах, «што б адчыніла ў Касцёле зазор, праз які магла б наступіць легалізацыя чужалоства».
Француская дэманстрацыя ў абарону сямейных каштоўнасцяў.
На думку аўтараў звароту, тыя ж непаразуменні існуюць і адносна гомасексуальных саюзаў, і толькі сам Папа можа развеяць гэтыя сумневы і замяшанне, якое ўзнікае вакол іх.
Прадстаўнік арганізатараў акцыі, прафесар біяэтыкі Еўрапейскага ўніверсітэта ў Рыме Тамаза Скандроліа сказаў, што ініцыятыва выклікала шырокі рэзананс у сродках масавай інфармацыі і ўключылася канструктыўным чынам у перадсінадальную дыскусію.
Сінод Біскупаў на тэму сужэнства і сям’і пачынаецца ў Ватыкане ўжо ў гэтую нядзелю, 4 кастрычніка.