Папа Францішак звярнуўся 18 лістапада з заклікам у сувязі з набліжэннем Сусветнага дня дзіцяці. Падчас агульнай аўдыенцыі ў Ватыкане Пантыфік падкрэсліў, што абарона дзяцей, іх ахова ад розных форм эксплуатацыі і кепскіх адносін з’яўляецца абавязкам, а дабро дзіцяці — самым важным крытэрыем.
Сусветны дзень дзіцяці адзначаецца штогадова 20 лістапада. Ён быў устаноўлены па ініцыятыве Генеральнай Асамблеі ААН у 1954 г. У гэты дзень у 1959 г. была прынята Дэкларацыя правоў дзіцяці, а ў 1989 г. — Канвенцыя правоў дзіцяці.
Паводле беларускай рэдакцыі Ватыканскага радыё, (AYU)