Першы відэазварот Святога Айца з малітоўнай інтэнцыяй на студзень з’явіўся ў сеціве 6 студзеня. У гэтым відэа Пантыфік звяртаецца да вернікаў розных рэлігій.
Малітоўная інтэнцыя Папы на студзень 2016 года гучыць так: «Каб шчыры дыялог паміж людзьмі розных рэлігій прыносіў плады спакою і справядлівасці».
Як паведаміў кіраўнік таварыства «Апостальства малітвы» айцец езуіт Фрэдэрык Фарнос, такія відэапасланні будуць з’яўляцца кожны месяц і распаўсюджвацца праз сацыяльныя сеткі «Facebook», «Twitter», «Instagram» і «Youtube».