Пантыфік выказаў спачуванне народу Кот-д'Івуара пасля тэрарыстычнага акту, падчас якога ісламісты забілі 18 чалавек, а яшчэ 33 атрымалі раненні.
Баевікі адкрылі агонь па мірных людзях, якія адпачывалі на курорце Гранд-Басам.
У тэлеграме біскупу Гранд-Басама Раймонду Ауа F.D.P. гаворыцца, што «Святы Айцец зноў асудзіў гвалт і нянавісць у любых формах. У знак суцяшэння ён просіць аб паўнаце ласкі Божай для Кот-д'Івуара і ўсіх сем'яў, якіх закранула гэтая трагедыя».