«Я духоўна яднаюся з тымі, хто зведаў гэты знішчальны катаклізм. Просім Бога, каб прынёс палёгку ў іх цярпенні, а таксама быў апораю ўсім тым, хто прымае ўдзел у арганізацыі неадкладнай дапамогі ахвярам катаклізму», — сказаў Святы Айцец.

Бэнэдыкт XVI удзяліў поўны адпуст (з захаваннем неабходных для гэтага ўмоваў) католікам дыяцэзіі ў Ганконгу, якія ўключыліся ў малітву за Касцёл у Кітаі. Адпуст могуць таксама атрымаць вернікі, якія прымуць удзел ва ўрачыстасцях Божага Цела і Маці Божай Успамогі Хрысціянаў.

На заклік Святога Айца аб малітве ў інтэнцыі Кітая ў 17-ці парафіях Ганконга, якія носяць тытул Маці Божай, праводзіцца навэнна. 15 мая ў катэдральным касцёле Беззаганнага Зачацця Найсвяцейшай Панны Марыі ў Ганконгу быў распачаты першы дзень навэнны. Пасля адарацыі Найсвяцейшага Сакрамэнту і малітвы Ружанец біскупы Ганконга прынялі ўдзел у канферэнцыі, прысвечанай Пасланню Бэнэдыкта XVI да католікаў Кітая.

Паводле Радыё Ватыкана