«Сінод накрэсліў душпастырскія дырэктывы, каб усталяваць практыку сустрэчы са Словам Божым — крыніцаю жыцця», — адзначыў кардынал Марк Уэлле, генеральны дакладчык ХІІ Генеральнай асамблеі Сіноду Біскупаў. Арцыбіскуп Квебекскі (Канада) указаў на сувязь Святога Пісання з адраджэннем Касцёла, экуменізмам і дыялогам Касцёла з асобнымі народамі і рэлігіямі.Арцыбіскуп Квебекскі заўважыў, што для пазбаўлення ад недахопаў у душпастырстве не дастаткова толькі канцэнтрацыі на Слове Божым. Яго неабходна таксама правільна трактаваць. Слова Божае павінна ўводзіць у таямніцу Хрыста: «Слова Божае азначае ў першую чаргу самаго Бога, які гаворыць, які праяўляе сябе праз боскае Слова, якое датычыць Яго глыбокай таямніцы».
Кардынал Уэлле таксама падкрэсліў, што сёння існуе праблема наследавання веры ў Слова Божае. На заканчэнне свайго выступлення ён паставіў пытанне, на якое ўдзельнікі Сіноду павінны будуць адказаць да завяршэння яго працы: «Ці займае належнае месца ў літургіі, у катэхізацыі і тэалагічнай адукацыі Слова як Асоба?»