Святы Айцец Бэнэдыкт XVI прызначыў кардынала Антоніа Канісарэса Льёвэра новым старшынёю Кангрэгацыі Божага Культу і Дысцыпліны Сакрамэнтаў. Да гэтага кангрэгацыю ўзначальваў нігерыйскі кардынал Фрэнсіс Арынзэ, які пакінуў пост у сувязі са старэчым узростам.Арцыбіскуп Таледскі і прымас Іспаніі Антоніа Канісарэс — адзін з найбольш прыбліжаных да Пантыфіка іерархаў Рыма-каталіцкага Касцёла. Кардынальскі сан ён атрымаў на кансісторыі, якая адбылася 26 сакавіка 2006 г. у Ватыкане.
Варта нагадаць, што падчас апошняга канклава чарнаскуры кардынал Арынзэ лічыўся адным з найбольш верагодных прэтэндэнтаў на Апостальскі Пасад.
Паводле матэрыялаў katolik.ru