Апостальская Сталіца выказала згоду на стварэнне мультымедыйнага малітоўніка, а таксама дала дазвол на продаж электроннай версіі брэвіярыя — літургічнай кнігі, у якой сабраны прадпісанні і тэксты для цэлебрацыі Літургіі гадзінаў на працягу літургічнага года. Электронная версія Рымскага Імшала, які з’яўляецца асноўнай літургічнай кнігай для цэлебрацыі святой Імшы паводле рымскага (лацінскага) абраду, была распрацавана італьянскім святаром Паоло Падрыні. Гэта першы дадатак да iPhone, афіцыйна падтрыманы і завераны Апостальскай Сталіцай.
На сённяшні дзень электронная версія Імшала створана толькі на італьянскай мове, але ўжо ідзе праца над англа- і іспанамоўнай версіямі. Плануецца таксама дадаць да малітоўніка музычнае суправаджэнне з традыцыйным грыгарыянскім харалам, а таксама пашырыць бібліятэку малітваў.
Паводле матэрыялаў інфармацыйных агенцтваў