Прэзідэнт Беларусі Аляксандр Лукашэнка спадзяецца на сустрэчу з папам Бэнэдыктам XVI у Беларусі. Прапанову наведаць Беларусь Аляксандр Лукашэнка перадаў Пантыфіку сёння, 27 красавіка 2009 г., падчас сустрэчы ў Апостальскім палацы Ватыкана.Аляксандр Лукашэнка, вітаючы папу Бэнэдыкта XVI, адзначыў, што вельмі рады гэтай сустрэчы: «Калі Вы знойдзеце час, мы сустрэнемся на беларускай зямлі, калі будзе на гэта Божая воля», — сказаў кіраўнік дзяржавы.
Сустрэча Аляксандра Лукашэнкі і Бэнэдыкта XVI адбывалася ў Папскай бібліятэцы ў Апостальскім палацы Ватыкана. Пасля заканчэння сустрэчы Прэзідэнт і Пантыфік абмяняліся падарункамі. Папа ўручыў Прэзідэнту Беларусі сувенірную манету, у сваю чаргу Аляксандр Лукашэнка ў якасці падарунка паднес Пантыфіку абраз Езуса, выкананы беларускім мастаком.
Паводле матэрыялаў БелТА