Папа Францішак мае намер правесці сустрэчу з Патрыярхам Маскоўскім і ўсяе Русі Кірылам. Пра гэта Пантыфік распавёў у размове з карэспандэнтам ТАСС на борце самалёта на шляху са Стамбула ў Рым.

Пра гэта паведамляе lenta.ru

Святы Айцец дадаў, што з вялікай пашанай ставіцца да Рускай Праваслаўнай Царквы і да яе багатых духоўных традыцый.
Ацэньваючы вынікі свайго апостальскага візіту ў Турцыю, Папа Францішак адзначыў вялікае значэнне хрысціянскага адзінства ў сучасным свеце і ролі ў ім праваслаўя.

У межах паездкі Пантыфік правёў перамовы з турэцкім прэзідэнтам Рэджэпам Таіпам Эрдаганам і экуменічную сустрэчу з Патрыярхам Канстанцінопальскім Барталамеем.

(IL)