«У цяжкія хвіліны трэба звяртацца да важных даўніх каштоўнасцяў», — нагадаў старшыня Папскай рады па культуры кардынал Джанфранка Равазі падчас сустрэчы з прадпрымальнікамі. Іерарх прыняў удзел у канферэнцыі ў Вічэнцы, дзе знаходзіцца цэнтр буйного італьянскага банка Banca Popolare di Vicenza.

Па словах кардынала, якія прыводзіць польская рэдакцыя Ватыканскага радыё, у найбольш складаныя і далікатныя моманты варта ўзгадаць пра вялікае значэнне такіх словаў, як духоўнасць або гуманізм. Калі ж эканамічны крызіс выклікае павелічэнне няроўнасці ў грамадстве, то асабліва патрэбны «свяцільнікі», якія б асвятлілі існуючыя праблемы і шлях да іх вырашэння.

(AG)