У Ватыкане ідзе праца па рэформе кананічнага права. Аб гэтым паінфармаваў старшыня Папскай рады заканадаўчых тэкстаў кардынал Франчэска Коккапальмерыё на прэс-канферэнцыі з нагоды 30-годдзя абвяшчэння сённяшняга Кодэкса кананічнага права.

Кардынал адзначыў, што ў цэнтры працы, якую вядзе яго ведамства, знаходзіцца сужэнскае права і працягласць працэсаў па сцвярджэнні несапраўднасці сужэнства, а таксама пытанні міграцыі, якая з'яўляецца прычынай прабывання на адной тэрыторыі вернікаў, што падлягаюць праву Касцёла лацінскага абраду і праву Усходніх Касцёлаў.

Дадзеная праца, па словах іерарха, патрабуе яшчэ шмат часу.

(AG)